«Дарынды балаларға – талантты ұстаз»

Меркі ауданы білім бөлімінің ұйымдастыруымен 2018 жылдың 2 сәуір күні №39 жалпы білім беретін мектеп-гимназиясында «Дарынды балаларға – талантты ұстаз» атты жас мамандар олимпиадасы  өтті. Олимпиада жас педагогтардың өзін-өзі жетілдіруге және әлеуметтік шығармашылығының дамуына жағдай жасау, білім беру жүйесін дамытуға кәсіби көзқарасын қалыптастыру мақсатын көздеді. Педагогикалық олимпиадаға еңбек өтілі 1-5 жылды құрайтын жас мамандар қатысты. Олар: № 1, №5, №9, №18, №20, №22, №16, №39, №48 жалпы білім беретін мектеп мұғалімдері.

    

Аудандық педагогикалық олимпиада үш кезеңде өтті:  І «Өзін-өзі таныстыру» кезеңінде қатысушылар өздері туралы толық мағлұмат берді, ІІ «Панорамалық сабақ» немесе «Педагогикалық шеберлік қоймасы» кезеңінде жас мамандар  үлгілі сабақтарын қорғап шықты, ІІІ «Портфолио» кезеңінде әр қатысушы осы күнге дейін жинақтаған құжаттары, өткізген жұмыстары бойынша сөйледі. Олимпиадаға қатысушы ұстаздар барлық тапсырмаларды шеберлікпен орындап шықты.    «Дарынды балаларға – талантты ұстаз» олимпиадасының қорытындысы бойынша Бас жүлдені №9 Савва атындағы ЖББМ-нің орыс тілі мен әдебиеті пәнінің мұғалімі Идрисова Руфина иеленсе, №5 ЖББМ-нің тарих пәнінің мұғалімі Жадраев А., №1 ЖББМ-нің бастауыш сынып мұғалімі Жүндібаева А. І орынды иеленді.  ІІ орынды №48 ЖББМ-нің ағылшын тілі пәнінің мұғалімі Кораев Т., №18 А.Қосанұлы атындағы ЖББ тірек мектебінің ағылшын тілі пәнінің мұғалімі Нұрғали Е. иеленсе. Ал, ІІІ орынға №16 ЖББМ-нің музыка пәнінің мұғалімі Абдрасилова А., №21 ЖББМ-нің география пәнінің мұғалімі Естемес А., №22 ЖББМ-нің биология пәнінің мұғалімі Жылқыбай А. ие болды.