«НАУРЫЗ – КӨКТЕМ МЕРЕКЕСІ»

     Наурыз Жыл басы. Наурызда күн мен түн теңеледі, жаңа күн басталады.  22 наурыз – бүкіл шығыс халықтарының мерекесі. Оны қазақ халқы ертеден тойлап келеді.

   22 наурыз - Ұлыстың ұлы күніне орай, ауданымыздағы 29 жалпы білім беретін мектептерінде «Наурыз тойы басталды» атты мерекелік іс-шаралар өз деңгейінде өтті. Владимир Савва атындағы №9 ЖББМЛ-де өткен Мерекеге Спорт және туризм  саласының жетекшісі Османов А.М, Аудандық маслихат депутаты Хейроев А. Я, Ақсақалдар төрағасы Жылысбаев Байсеит аға, ауыл ақсақалдары, зейнеткерлер,  «Шебер», «Әби ата», «Мақпал»  дүкендерінің  қожайындары қонаққа келді. Мектеп директоры Б.Т.Қыстауов келген қонақтарды, ұстаздар мен  оқушыларды ұлыстың наурыз  мерекесімен құттықтады. Оқушылар қазақ халқының «Беташар», «Тұсау кесу» рәсімдерін көрсетіп, мерекеге арналған   ән-билерін орындады.