«ЖАРҚЫН БОЛАШАҚ» ХІ РЕСПУБЛИКАЛЫҚ ҚАЗАҚ ТІЛІ ОЛИМПИАДАСЫНЫҢ АУДАНДЫҚ КЕЗЕҢІ ТУРАЛЫ АНЫҚТАМА

2019 жылдың 25 қаңтар күні  Аманжол Тұрғымбаев атындағы №7 жалпы білім беретін мектептің базасында «Жарқын болашақ» ХІ республикалық қазақ тілі олимпиадасының аудандық кезеңі өтті.

Олимпиаданың мақсаты – мемлекеттік тілдің қолданылу аясын кеңейту, дамыту, қазақ тілінен ерекше дарынды оқушыларды анықтау, оларға қолдау көрсету.

Олимпиадаға 7-11 сынып оқушыларынан 144 оқушы, оның ішінде – 116 қазақ тілді мектептерден және 28 орыс тілді мектептерден өзге ұлт өкілдері қатысты.

          Олимпиаданы өткізуде  «Жарқын болашақ» ХІ республикалық қазақ тілі олимпиадасының  ережесі басшылыққа алынды. Олимпиада 5 бағытты қамтыды.

1. «Тілші-әдебиетшілер» (қазақ тілі мен әдебиетінен тест тапсырмаларын орындау)
2. «Жас ғалымдар» (ғылыми жоба қорғау)
3. «Жазушылар» (жазбаша шығармашылық жұмыс, яғни эссе жазу)
4. «Сөз шеберлері» (мәнерлеп оқу)
5. «Әнші - бұлбұлдар» (ән айту)

Аталған бағыттар бойынша аудан мектептерінің озық тәжірибелі ұзтаздары арасынан әділ қазылар алқасы қазылық етті.