№9 Савва атындағы орта мектебінің 11 «Ә» сынып оқушысы, талантты түлек Айдана Есбагамбетова аудандық, облыстық байқауларда жүлделі орын алып жүрген дарынды оқушымыз.
Ол 2016 жылы «Менің Әуезовім» атты дарынды оқушылардың республикалық шығарма конкурсындаІІ орын иеленді.
2016-2017 оқу жылында мектеп оқушылары арасында өткен аудандық пән олимпиадасына қатысып, ІІІ дәрежелі дипломмен марапатталды.
ХVІІ аудандық, облыстық Абай оқуларында «Өлең – сөздің патшасы, сөз сарасы» байқауында І дәрежелі дипломмен марапатталды.
Абайдың туған жері Семей қаласы, Жидебай жерінде қыркүйек айында өткен ХVІІІ республикалық Абай оқуларында қазақтың бас ақыны Абай Құнанбаевтың 211 өлеңін, Шәкәрімнің 118 өлеңін, жалпы, 3 поэма, 9 қарасөзді жатқа оқып, «Өлең – сөздің патшасы, сөз сарасы» номинациясы бойынша Бас жүлдемен марапатталды.
Ауданымыздың, облысымыздың абыройын асқақтатқан 11 «Ә» сынып оқушысы Айдана Есбагамбетованы №9 мектеп ұстаздары мен оқушылары салтанатты түрде қарсы алып, мектеп директоры Б.Т. Қыстауов өз құттықтау лебізін білдірді.
Бастауыш сынып оқушылары Айдананы үлгі тұтатындықтарын айта отырып, өлең- жырларын арнады.
