2018 жылдың 28 қараша күні №9 Савва атындағы мектеп-лицейі базасында Елбасы Н.Ә. Назарбаевтың «Болашаққа бағдар: рухани жаңғыру» бағдарламасының аясында Қазақстанның халық жазушысы, Мемлекеттік сыйлықтың иегері Шерхан Мұртазаның сан қырлы шығармашылығы мен қайраткерлік тұлғасын өскелең ұрпаққа насихаттау мақсатында «ІІІ Шерхан Мұртаза оқулары» өтті.
Аудандық білім бөлімінің әдіскері М.Бексултанова іс-шараға қатысушыларды құттықтады. Ш. Мұртазаның өмірі мен шығарамашылығы жайлы бейнеролик көрсетіліп, толық мағлұмат берілді. Ауданның 29 мектебінен 63 оқушы қатысты.
Байқау 4 бағытта өтті. Бірінші, «Жұлдызы нұрлы суреткер» бағытына 14 оқушы, екінші, «Рух пен намыстың төресі» бағытына 21 оқушы, үшінші, «Зау тұлға» бағытына 19 оқушы, төртінші, «Шерхан Мұртаза мұрасы» бағытына 9 оқушы қатысты.
