«Алғысым шексіз- сізге»
Наурыздың 1 күні облыстық «Алғысым шексіз- сізге» атты байқау, Жамбыл ауданы «Болашақ» бөбекжай-бақшасының базасында өтті. Байқауға Шу, Сарысу, Талас, Жамбыл, Жуалы, Меркі, Т.Рысқұлов, Байзақ аудандары қатысты.
Байқаудың мақсаты ұлттардың достығы мен татулығын және ынтымағын дәріптеу. Қатысушы барлық аудандар өз деңгейлерінде нық дайындықпен келген.
Озық шығып көзге түскен аудандардан Меркі ауданы болды.
Меркі ауданыннан «Ертөстік» бөбекжайының ұжымы қатысып. Бөбекжай меңгерушісі Зағира Қабылбайқызы ұжымның көшбасшысы ретінде өз ұжымына қолдау көрсетіп, педагогтарға шабыт берді.
Қатысушы топ әр бөлімге ықтиярлықпен және жауапкершілікті жоғары қойды. Өзгеше таныстырумен таңқалдырса, этнолық фольклорда жоғарғы деңгейде өнер көрсетіп, сахналық қойылым жүректі тербететіңдей әсер қалдырды. Ал сұрақтарға жауап берген кезде білімділіктерін таныта білді.
Облыстық әдістемелік кабинетінің әдіскері Сәуле Аңсарбекқызының басшылығымен әділ қазылар алқалары әр бөлімдер бойынша бағалап жүлделерді берді.
Нәтижесінде, «Ертөстік» бөбекжай бақшасының «Шапағат» тобы І орынға ие болы.
