3 қараша күні Елбасымыз Н.Ә.Назарбаевтың «Болашаққа бағдар: рухани жаңғыру» мақаласындағы Туған жер бағдарламасын басшылыққа ала отырып «Талмен бірге өсейік» атты күзгі көгалдандыру акциясы өткізілді. Осы акцияда мектеп ауласына жасыл шырша, жеміс ағаштары және раушан гүлдері отырғызылды. Акцияға аудан әкімі Өмірбеков Мейірхан Азатұлы, Сарымолдаев ауылдық округінің ардагерлер ұйымының төрағасы, Мақсұт Жылысбаевтың немере бауыры, зейнеткер Жылысбаев Байсеит аға, Сарымолдаевтанушы, жазушы Мұхтар Қазыбек аға, Еуразия Ұлттық Университетiнiң Әкiмшiлiк-шаруашылық жүйесiн басқарып отырған проректоры Байқонысов Ораз аға, ауыл тұрғындары қонаққа келді. Олар мектебіміздің 1-ші сынып бүлдіршіндерімен және мектеп мақтаныштарымен бірге ағаш отырғызды. Акцияда 5 сынып оқушылары «Туған жер» әнін айтса, бастауыш сынып оқушылары тақпақтарын оқыды. Осындай акциялар алдағы уақытта да жоспарланып, жыл сайын жалғасын таппақ.
