Бұл байқаудың мақсаты мектепке дейінгі білім беру ұйымдарындағы тәрбиешілер мен тәрбиенушілер жол белгілерін ажырата  білуге, балалардың жолда жүру ережелері жайында білімдерін бекіту, күнделікті өмірде алған білімін өз бетінше қолдана алуға тәрбиелеу, жолда жүру ережелерін өмірде, көшеде қолдануға үйрету. Байқаудың бағыттары төрт кезең бойынша өтті. Қатысқан балабақшалар бірінші өздері туралы таныстыру, «Жол белгілерін танисыңба?», сұрақ-жауап, келесі кезең жол бойындағы жағдаяттар, үй тапсырмасы, 15 минуттық көрініс және «Кім жылдам?» жол ережесін бұзбай мәреге жету.

    Байқауға әр бөбекжай-бақшасынан 1 топ (3 тәрбиеші, 3 тәрбиеленуші) қатысты. Барлығы 13 топ қатысқан бұл байқау жақсы, қызықты өтті. Балдырған бөбекжай-бақшасынан «Топжарған» тобы,  «Бөбектен, «Ақсұңқар», Ботагөзден «Жұлдыздар, Балаусадан «Қыран», Ақботадан «Бағыт», Балапаннан «Барыс, Нұршуақтан «Толағай», Балбөбектен «Достық, Балдауренннен  «Бағдаршам», Айымнан «Тұлпар» , Таңшолпаннан «Жалын», Ерсұлтаннан «Көңілді бағдаршам, Айдана-Аидадан «Жас сақшы» топтары қатысып, өз өнерлерін көрсетті. Бұл байқауға Меркі аудандық білім бөлімінің әдіскері Г.З.Сансызбаева, Қ.Айдарбекова, Ш.Оңланбекова, Ж.Нарымбетовалар қазылық жасап, әділ бағасын берді.

   Сонымен, байқау  соңына жетіп, сайыстың қорытынды ұпайын хабарлап, жеңімпаз топты анықтау үшін қазылар алқасы сөз алды. Бас жүлдеге «Таңшолпан», 1орын «Балдәурен» мен «Бөбек», 2 орын «Балдырған және «Балбөбек», 3 орын «Айым» мен «Балаусаға берілді. Жекеменшік балабақшалар арасында 1 орын «Ботагөзге», 2-орын «Айдана-Аида», 3 орын «Ерсұлтанға» берілді.